ഈ വീഡിയോയിൽ, മനുഷ്യ മനസ്സിന്റെ ഏഴ് അവസ്ഥകളെക്കുറിച്ചാണ് (തലങ്ങളെക്കുറിച്ച്) ഓഷോ ചർച്ച ചെയ്യുന്നത്. ബോധമണ്ഡലത്തെ പാശ്ചാത്യ മനഃശാസ്ത്രവും പൗരസ്ത്യ മനഃശാസ്ത്രവും എങ്ങനെ വീക്ഷിക്കുന്നുവെന്ന് അദ്ദേഹം ഇവിടെ താരതമ്യം ചെയ്യുന്നു. നാം ജാഗ്രതയോടും ആഴമേറിയ അറിവോടും കൂടി ബോധപൂർവ്വമായ ഒരു ജീവിതം നയിക്കുകയാണെങ്കിൽ, മനസ്സിന്റെ ഈ ഉന്നത തലങ്ങൾ നമുക്ക് പ്രാപ്യമായിത്തീരും. ആചാരങ്ങളിലും അനുഷ്ഠാനങ്ങളിലും മാത്രം ഒതുങ്ങിപ്പോകാതെ, നമ്മിലുള്ള ബോധത്തെ കൂടുതൽ ഉന്നതമായ തലങ്ങളിലേക്ക് ക്രമമായി വികസിപ്പിക്കുക എന്നതാണ് ഹിന്ദുധർമ്മത്തിന്റെ യഥാർത്ഥ ലക്ഷ്യം.
പാശ്ചാത്യ മനഃശാസ്ത്രം തുടക്കം കുറിച്ചത് മാനസിക വെല്ലുവിളികൾ നേരിടുന്ന മനുഷ്യരെക്കുറിച്ച് പഠിച്ചുകൊണ്ടാണെന്ന് ഓഷോ വിശദീകരിക്കുന്നു. തന്മൂലം, പാശ്ചാത്യ ശാസ്ത്രജ്ഞർ മനസ്സിന്റെ താഴ്ന്ന തലങ്ങളിൽ മാത്രമാണ് ശ്രദ്ധ കേന്ദ്രീകരിച്ചത്. രോഗാവസ്ഥയിലുള്ള മനുഷ്യരെ സാധാരണ നിലയിലേക്ക് തിരികെ കൊണ്ടുവരാനാണ് അവർ ആഗ്രഹിക്കുന്നത്.
എന്നാൽ ഇതിൽ നിന്നും വ്യത്യസ്തമായി, പൗരസ്ത്യ മനഃശാസ്ത്രം കൂടുതൽ പ്രാധാന്യം നൽകുന്നത് ധ്യാനിക്കുന്നവരിലാണ്. സാധാരണ ബോധതലങ്ങൾക്കപ്പുറം കൂടുതൽ ആരോഗ്യകരമായ ഉന്നത തലങ്ങളിലേക്ക് ഉയരാനാണ് പൗരസ്ത്യ അന്വേഷകർ ആഗ്രഹിക്കുന്നത്. മനസ്സിന്റെ ആകെ ഏഴ് തലങ്ങളെക്കുറിച്ച് ഓഷോ ഇവിടെ പ്രതിപാദിക്കുന്നുണ്ട്. ഈ തലങ്ങളുടെ കൃത്യം മധ്യത്തിലാണ് സാധാരണ ബോധമനസ്സ് സ്ഥിതി ചെയ്യുന്നത്. മനസ്സിന്റെ ഇരുണ്ട ഭാഗങ്ങളിലേക്ക് ഇറങ്ങിച്ചെല്ലുന്ന മൂന്ന് തലങ്ങളും, ആത്മീയമായ ഉന്നത അവസ്ഥകളിലേക്ക് ഉയരുന്ന മൂന്ന് തലങ്ങളും ഇതിലുണ്ട്.
ഓഷോ വിവരിക്കുന്ന മനസ്സിന്റെ ഏഴ് തലങ്ങൾ ഏറ്റവും ഉയർന്ന നിലയിൽ നിന്നും ഏറ്റവും താഴ്ന്ന നിലയിലേക്ക് താഴെ പറയുന്ന പട്ടികയിൽ നൽകുന്നു.
ഇതിൽ ഏതു വേണം എന്ന് തിരഞ്ഞെടുക്കേണ്ടത് നമ്മൾ തന്നെയാണ്. അതിന് ശ്രമിക്കേണ്ടതും നമ്മൾ തന്നെയാണ്. ശരീര സമേതരായി ഇരിക്കുമ്പോൾ മാത്രമേ അത് ചെയ്യുവാൻ സാധിക്കുകയുള്ളൂ.